Framhaldsskólamótið

26.9.2003

Dagana 15. - 19. október næstkomandi fer riðlakeppni Framhaldsskólamótsins í knattspyrnu fram að Ásvöllum í Hafnarfirði og í Boganum á Akureyri. Leikið er í átta riðlum í karlaflokki og fer efsta lið hvers riðils í úrslitakeppni. Í kvennaflokki er leikið í fimm riðlum og fer efsta lið hvers riðils í úrslitakeppni, auk þess liðs sem nær bestum árangri í öðru sæti. Úrslitakeppnin fer fram í Egilshöll laugardaginn 1. nóvember.

Niðurröðun hvers skóla fyrir sig má skoða í valmyndinni hér til vinstri, undir Mótamál / Leikir félaga. Niðurröðun einstakra riðla má skoða undir Mótamál / Mót. Athugið að afmarka má leit með ýmsum hætti. Athugasemdir við niðurröðun verða að berast í síðasta lagi sunnudaginn 5. október á netfangið halldor@ksi.is.