VISA-bikarinn - Margir leikir

Úrslitaleikur VISA-bikarsins milli ÍA og FH verður 73. leikurinn í bikarkeppni karla í ár. Úrslitaleikurinn vekur auðvitað mesta athygli þeirra allra og er í beinni útsendingu á RÚV.

Fyrsti leikur keppninnar í ár vakti hins vegar ekki eins mikla athygli. Það var leikur Boltafélags Norðfjarðar og KE frá Eskifirði á leikvellinum í Neskaupstað sunnudaginn 18. maí. KE sigraði í spennandi leik með 3 mörkum gegn 2 og Boltafélagið varð þannig fyrst félaga til að detta úr bikarkeppninni í ár!