Landsbankadeild karla lokið

Lokaumferð Landsbankadeildar karla fór fram á laugardag og er óhætt að segja að mikil spenna hafi ríkt í öllum leikjum, enda fallbaráttan og barátta um Evrópusæti í algleymingi. Niðurstaðan var sú að liðin féllu sem komu upp úr 1. deild í fyrra, Valur og Þróttur R. FH-ingar tryggðu sér annað sæti deildarinnar með stórsigri á Íslandsmeisturum KR, 7-0. Skagamenn höfnuðu í þriðja sæti, Fylkismenn í því fjórða og ÍBV í fimmta. Grindavík, Fram og KA björguðu sér frá falli í síðustu umferðinni.