Mótamál
ÍA leikur í Intertoto-keppninni á sunnudag
Andstæðingarnir eru finnska liðið Inter Turku
ÍA leikur fyrri leik sinn í 1. umferð Intertoto-keppninnar gegn finnska liðinu Inter Turku á sunnudag, en liðin mætast á Veritas leikvanginum í Turku. Liðið sem hefur betur í leikjunum tveimur mætir liði frá Króatíu eða Albaníu í 2. umferð.
Skagamenn hafa einu sinni áður tekið þátt í Intertoto-keppninni, en það var árið 1999, þegar þeir slógu albanska liðið KS Teuta út í 1. umferð, en biðu síðan lægri hlut gegn Lokeren frá belgíu í 2. umferð.
Leikurinn gegn Inter Turku á sunnudag hefst kl. 16:00 að íslenskum tíma.
Síðari leikur liðanna fer síðan fram sunnudaginn 26. júní á Akranesvelli.
