Mótamál
Markalaust jafntefli hjá ÍA gegn Inter Turku í Intertoto
Liðin mætast á Akranesi 26. júní
ÍA og finnska liðið Inter Turku gerðu markalaust jafntefli í fyrri viðureign liðanna í 1. umferð Intertoto-keppninnar í Finnlandi í dag, sunnudag. Lítið var um færi í leiknum og hljóta Skagamenn að vera sáttir við þessa niðurstöðu fyrir síðari leik liðanna, sem fer fram á Akranesvelli sunnudaginn 26. júní næstkomandi.
Það lið sem hefur betur í þessum tveimur leikjum mætir liði frá Albaníu eða Króatíu í 2. umferð.
