Góðir möguleikar í Evrópumótum félagsliða
Íslensku félagsliðin geta komist áfram
Öll íslensku liðin sem leika í Evrópumótum í ár eiga góða möguleika á að komast í gegnum fyrstu hindrun. Skagamenn leika síðari leikinn gegn Inter Turku á sunnudag, FH-ingar leika gegn liði frá Aserbaidsjan, Keflvíkingar fara til Luxemborgar og Eyjamenn til Færeyja.
Markalaust jafntefli varð í fyrri leik ÍA og Inter Turku í Intertoto-keppninni, sem fram fór síðastliðinn sunnudag. Liðin mætast aftur á Akranesvelli næstkomandi sunnudag kl. 16:00 og eiga Skagamenn því góða möguleika á að komast áfram.
Íslandsmeistarar FH riga langt ferðalag fyrir höndum, þurfa að fara til Aserbaidsjan og leika við þarlenda meistara í forkeppni Meistaradeildar UEFA, PSC Neftchi. Íslenskt félagslið hefur einu sinni áður leikið gegn liði frá Aserbaidsjan, Grindvíkingar léku gegn Vilash í Intertoto-keppninni árið 2001 og höfðu betur, 3-1 samanlagt.
VISA-bikarmeistarar Keflvíkinga leika í UEFA-bikarnum gegn FC Etzella Ettelbrück frá Lúxemborg, sem hafnaði í 2. sæti í deildinni þar í landi.
Lið ÍBV á ekki jafn langt ferðalag fyrir höndum og FH-ingar, því þeir drógust gegn B36 Tórshavn frá Færeyjum í UEFA-bikarnum.
