Edda Garðarsdóttir valin leikmaður umferða 1-7
Úlfar Hinriksson valinn besti þjálfarinn
Í hádeginu í dag, fimmtudag, voru veittar viðurkenningar fyrir umferðir 1-7 í Landsbankadeild kvenna. Tilkynnt var um val á liði umferða 1-7, val á besta leikmanni umferðanna og besta þjálfara.
Edda Garðarsdóttir úr Breiðabliki var valin besti leikmaður umferðanna og Úlfar Hinriksson, þjálfari Breiðabliks, var valinn besti þjálfarinn.
Lið umferðanna ásamt þjálfara
Efri röð frá vinstri: Úlfar Hinriksson, Hólmfríður Magnúsdóttir, Pála Marie Einarsdóttir, Þóra B. Helgadóttir, Greta Mjöll Samúelsdóttir, Edda Garðarsdóttir og Hrefna Jóhannesdóttir.
Neðri röð frá vinstri: Erna B. Sigurðardóttir, Ásta Árnadóttir, Laufey Ólafsdóttir, Guðrún Sóley Gunnarsdóttir og Margrét Lára Viðarsdóttir.
Punktar úr umferðum 1-7
- Leikmenn frá 4 félögum fengu atkvæði – Breiðabliki, Val, ÍBV og KR – og öll eiga þau fulltrúa í liði umferðanna.
- Alls fengu 9 leikmenn Breiðabliks atkvæði, 7 leikmenn Vals, 4 leikmenn KR og einn leikmaður ÍBV.
- 5 leikmenn - Þóra B. Helgadóttir, Edda Garðarsdóttir, Hólmfríður Magnúsdóttir, Laufey Ólafsdóttir og Margrét Lára Viðarsdóttir - hlutu atkvæði í lið umferðanna frá öllum í valnefndinni, fullt hús.
- Edda Garðarsdóttir hlaut atkvæði bæði sem varnarmaður og tengiliður.
- Hólmfríður Magnúsdóttir og Hrefna Jóhannesdóttir hlutu atkvæði bæði sem tengiliðir og framherjar.
- Edda Garðarsdóttir hlaut afgerandi kosningu sem leikmaður umferðanna.
- Úlfar Hinriksson hlaut öll greidd atkvæði í kjöri á þjálfara umferðanna.
Lið umferða 1-7:Markvörður: Þóra B. Helgadóttir – Breiðablik Varnarmenn: Ásta Árnadóttir – Valur Erna B. Sigurðardóttir – Breiðablik Guðrún Sóley Gunnarsdóttir – KR Pála Marie Einarsdóttir – Valur Tengiliðir: Edda Garðarsdóttir – Breiðablik Greta Mjöll Samúelsdóttir – Breiðablik Hólmfríður Magnúsdóttir – ÍBV Laufey Ólafsdóttir – Valur Framherjar: Hrefna Jóhannesdóttir – KR Margrét Lára Viðarsdóttir – Valur Leikmaður umferða 1-7:Edda Garðarsdóttir – Breiðablik Þjálfari umferða 1-7:Úlfar Hinriksson – Breiðablik |
Viðurkenningar í Landsbankadeild kvenna
Líkt og undanfarin ár eru veittar viðurkenningar fyrir ákveðnar umferðir í Landsbankadeild kvenna þar sem valið verður í samstarfi við fjölmiðla:
Lið umferðanna (11 leikmenn), besti leikmaður og besti þjálfari.
Leitað var til 10 aðila (fjölmiðla og annarra) sem mynda nokkurs konar valnefnd. Hver og einn aðili hefur síðan eitt "atkvæði".
Þeir aðilar sem leitað var til og samþykktu að taka þátt eru:
- Morgunblaðið
- DV/Fréttablaðið
- Blaðið
- RÚV
- Sýn
- Sport.is
- Gras.is
- Fótbolti.net
- Íslenskar getraunir
- Landsbankinn
Í Landsbankadeild kvenna eru tímabilin tvö: 1. - 7. umferð og 8. - 14. umferð.
