Mótamál
Framhaldsskólamót og Grunnskólamót um helgina
Riðlakeppnin í Framhaldsskólamóti KSÍ fer af stað - 7. bekkur leikur í Grunnskólamóti KRR
Um helgina hefst keppni í Framhaldsskólamóti KSÍ og Grunnskólamóti KRR. Leikið verður í Framhaldsskólamótinu í Boganum á Akureyri og að Ásvöllum í Hafnarfirði, en í Grunnskólamóti KRR í Egilshöll í Reykjavík.
Í Framhaldsskólamóti KSÍ er um að ræða fyrri hlut riðlakeppninnar, en síðari hlutinn verður leikinn dagana 22. og 23. október. Úrslitakeppni Framhaldsskólamótsins fer síðan fram laugardaginn 29. október í Egilshöll.
Grunnskólamót KRR (Knattspyrnuráðs Reykjavíkur) fyrir 7. bekk í grunnskólum Reykjavíkur fer fram í Egilshöll á laugardag og sunnudag. Grunnskólamót KRR fyrir 10. bekk fer fram viku síðar, 22. og 23. október, einnig í Egilshöll.
