Mótamál
Engin miskunn hjá Potsdam
Þýska liðið vann Val samanlagt 19-2 í leikjunum tveimur
Síðari leikur Vals og Potsdam í 8-liða úrslitum Evrópukeppni félagsliða kvenna fór fram á sunnudag. Skemmst er frá því að segja að þær þýsku sýndu Valsstúlkum enga miskunn og unnu 11-1 og því samanlagt 19-2 í leikjunum tveimur.
Mark Vals í leiknum gerði Margrét Lára Viðarsdóttir, minnkaði muninn í 2-1 eftir um 15 mínútna leik, en eftir það tók lið Potsdam öll völd á vellinum og raðaði inn mörkum.
Valsstúlkur geta borið höfuðið hátt þó svo að Evrópuævintýrið sé á enda þetta árið, því ekkert íslenskt félagslið hefur áður náð svona langt í keppninni.
