Grunnskólamóti KRR 2005 lokið

Borgaskóli, Hamraskóli og Réttarholtsskóli voru sigursælir

25.10.2005

Grunnskólamót KRR (Knattspyrnuráðs Reykjavíkur) fór fram síðustu tvær helgar í Egilshöll.  Þátttakan í mótinu var mjög góð og voru alls 30 grunnskólar í Reykjavík sem mættu til leiks.

Leikið var í tveimur aldursflokkum, 7. og 10. bekk drengja og stúlkna.

Sigurvegari í 7. bekk var Borgaskóli í drengjaflokki og Hamraskóli í stúlknaflokki, en báðir þessir skólar eru staðsettir í Grafarvogi.

Réttarholtsskóli sigraði í 10. bekk bæði í drengja- og stúlknaflokki.

Mótið þótti takast mjög vel í alla staði og var umgjörð og framkvæmd til mikils sóma, svo ekki sé minnst á góða frammistöðu liðanna.