KR-stúlkur Íslandsmeistarar

KR tryggði sér Íslandsmeistaratitilinn í meistaraflokki kvenna í dag með því að leggja Stjörnuna 5-1 í Frostaskjóli. Næst síðasta umferð Landsbankadeildar kvenna fór öll fram í dag, en 14. og síðasta umferð fer fram miðvikudaginn 3. september næstkomandi.

ÍBV er öruggt í 2. sæti, en toppliðin tvö mætast einmitt í lokaumferðinni. Lið Þróttar/Hauka er fallið í 1. deild, en það ræðst á miðvikudag hvort, Stjarnan, FH eða Þór/KA/KS leiki við Sindra um laust sæti í Landsbankadeild á næsta ári.