Ráðast úrslitin á laugardag?

13. umferð Landsbankadeildar kvenna fer fram á laugardag og hefjast allir leikirnir kl. 14:00. Úrslit deildarinnar gætu ráðist á í Frostaskjólinu, þar sem KR tekur á móti Stjörnunni. Með sigri í leiknum tryggja KR-stúlkur sér Íslandsmeistaratitilinn, burtséð frá því hver úrslitin í leik FH og ÍBV verða. Takist KR hins vegar ekki að sigra Stjörnuna og ef ÍBV vinnur í Kaplakrikanum mun fara fram hreinn úrslitaleikur á Hásteinsvelli í Vestmannaeyjum í lokaumferðinni á miðvikudag, þar sem Eyjastúlkur taka á móti KR.