Niðurröðun í Faxaflóamóti mfl. kvenna staðfest

Heimilt að vera með 18 leikmenn á skýrslu

23.1.2006

Leikjaniðurröðun í Faxaflóamóti meistaraflokks kvenna hefur verið staðfest og má sjá í valmyndinni hér vinstra megin. Sex félög taka þátt í mótinu og leika þau einfalda umferð í einum riðli.

Félögin eru sérstaklega beðin að athuga eftirfarandi:

• Fylla skal út leikskýrslu á sérstöku leikskýrsluformi sem liggur frammi í dómaraherbergi á leikstað.
• Hér er um sérstakt leikskýrsluform að ræða með reitum fyrir 18 leikmenn, þar af 7 varamenn.
• Félög mega skrá 18 leikmenn á leikskýrslu í hverjum leik. Heimilt er að skipta 4 varamönnum inn á í leik.
• Að auki er heimilt að skipta allt að 3 varamönnum inn á í hálfleik, áður en síðari hálfleikur hefst.

Meðferð leikskýrslna skal vera með hefðbundnum hætti og fylgja skal ýtrustu kröfum um útfyllingu.