Mótamál
Íslenskir dómarar og eftirlitsmenn erlendis
Gylfi Þór Orrason, milliríkjadómari, mun dæma viðureign írska liðsins Shelbourne og Olimpija Ljubljana frá Slóveníu í UEFA-bikarnum. Aðstoðardómarar eru Eyjólfur Finnsson og Sigurður Þór Þórsson, en fjórði dómari er Garðar Örn Hinriksson. Leikurinn fer fram á Tolka Park í Shelbourne fimmtudaginn 28. ágúst.
Sama dag verða Ingi Jónsson og Geir Þorsteinsson eftirlitsmenn á leikjum í UEFA-bikarnum. Ingi verður í Portadown á Norður-Írlandi á leik Portadown og Malmö frá Svíþjóð, en Geir á viðureign TNS (Total Network Solutions) frá Wales og enska liðsins Manchester City á Millennium Stadium í Cardiff.
