Mótamál
Úrslitakeppni - 1. deild kvenna og 3. deild karla
Síðari leikirnir í 8-liða úrslitum 3. deildar karla og undanúrslitum 1. deildar kvenna fóru fram á þriðjudag. Í 3. deild karla tryggðu Leiknir R., Höttur, Númi og Víkingur Ó. sér sæti í undanúrslitum. Fyrri leikirnir í undanúrslitum fara fram laugardaginn 30. ágúst, en síðari leikirnir þriðjudaginn 2. september. Í 1. deild kvenna leika Sindri og Fjölnir til úrslita eftir sigur á andstæðingum sínum í undanúrslitum. Úrslitaleikurinn fer fram laugardaginn 30. ágúst.
