Evrópukeppni félagsliða kvenna

KR sigraði skoska liðið Kilmarnock 5-1 í síðasta leik sínum í riðlakeppni Evrópumóts félagsliða kvenna. Hólmfríður Magnúsdóttir skoraði þrennu fyrir KR í leiknum, en Hrefna Jóhannesdóttir og Hólmfríður Samúelsdóttir skoruðu sitt markið hvor. KR hafnaði því í 3. sæti riðilsins. Sigurinn á Kilmarnock er annar sigur íslensks liðs í Evrópukeppni félagsliða kvenna, en Breiðablik sigraði rúmenska liðið FC Codru Anenil Noi í sömu keppni í fyrra.

Í Evrópukeppni félagsliða kvenna er leikið í átta fjögurra liða riðlum og fara sigurvegarar hvers riðils um sig áfram í 8-liða úrslit.