15. umferð Landsbankadeildar karla

15. umferð Landsbankadeildar karla hefst á laugardag með viðureign ÍA og Vals á Skaganum og er spennan í deildinni rafmögnuð jafnt á toppi sem botni. Baráttan um titilinn virðist vera á milli KR og Fylkis, þó nokkur lið gætu enn blandað sér í þá baráttu, en þessi tvö lið mætast einmitt á sunnudag á KR-velli. Búist er við gríðarlegri aðsókn og er forsala fyrir leikinn nú í fullum gangi. Aðrir leikir á sunnudag eru KA - Fram og Þróttur R. - Grindavík, og á mánudag FH - ÍBV.