Tap hjá KR í fyrsta leik
|
KR tapaði 1-3 gegn serbneska liðinu ZFK Masinac í fyrsta leik sínum í riðlakeppni Evrópumóts félagsliða kvenna. Hrefna Jóhannesdóttir skoraði eina mark Íslandsmeistaranna í leiknum. Næsti leikur liðsins er á föstudag gegn gestgjöfunum, Bröndby, og hefst leikurinn kl. 17:00 að íslenskum tíma. Í Evrópukeppni félagsliða kvenna er leikið í átta fjögurra liða riðlum og fara sigurvegarar hvers riðils um sig áfram í 8-liða úrslit. |

