Mótamál
Úrslitaleikur B-deildar karla í kvöld
Leiknir og Stjarnan mætast í Egilshöll kl. 19:00
Úrslitaleikur B-deildar deildarbikars karla fer fram í Egilshöll í kvöld kl. 19:00. Mætast þá Leiknir og Stjarnan en Leiknismenn eru núverandi handhafar þessa titils.
Þessi félög urðu samferða upp úr 2. deildinni sl. sumar og leika því í 1. deildinni á sumri komandi. Leiknir tryggði sér sæti í úrslitaleiknum með því að leggja Aftureldingu, 1-0. Stjörnumenn sigruðu hinsvegar Hattarmenn með þremur mörkum gegn einu.
Það má búast við hörkuleik á milli þessara félaga og eru knattspyrnuáhugamenn hvattir til að mæta í Egilshöllina.
