Mótamál
Von á hörkuleik á sunnudag
|
Von er á hörkuleik á Laugardalsvelli á sunnudag, en þá mætast ÍBV og Valur í úrslitaleik VISA-bikars kvenna. Saga þessara liða í bikarkeppninni er ansi ólík. Valur hefur oftast allra liða leikið til úrslita (13 sinnum) og hafa einnig oftast hampað sigri allra liða (8 sinnum). ÍBV er hins vegar að leika til úrslita í fyrsta sinn. Vitað er að stuðningsmenn beggja liða munu fjölmenna á leikinn og verður gömlu stúkinni á Laugardalsvelli skipt þannig að í norðurhlutanum verða stuðningsmenn ÍBV, en í suðurhlutanum stuðningsmenn Vals. Leikurinn hefst kl. 14:00 og verður í beinni sjónvarpsútsendingu á RÚV. |
