Grindavík tapaði 2-1 í Austurríki

Grindavík lék í dag fyrri leik sinn við austurríska liðið Kärnten í forkeppni UEFA-bikarsins og fór leikurinn fram í Austurríki. Heimamenn skoruðu mark á 29. mínútu eftir aukaspyrnu og bættu síðan við öðru marki um miðjan síðari hálfleik úr vítaspyrnu. Það var svo 8 mínútum fyrir leikslok að Óli Stefán Flóventsson skoraði fyrir Grindvíkinga og lauk því leiknum með 2-1 sigri heimamanna.

Síðari leikur liðanna fer fram í Grindavík fimmtudaginn 28. ágúst.