Mótamál
Keflvíkingar í góðri stöðu
4-1 sigur gott veganesti fyrir síðari leikinn
Keflvíkingar eru í góðri stöðu í Intertoto-keppninni eftir 4-1 sigur á Dungannon Swifts frá Norður-Írlandi í fyrri leik liðanna í 1. umferð keppninnar, en liðin mættust á Keflavíkurvelli í dag, laugardag. Síðari leikurinn fer fram ytra eftir viku.
Heimamenn náðu að skora fjögur mörk áður en gestunum tókst að svara fyrir sig og var sigur Keflvíkinga fyllilega verðskuldaður. Mörk Keflvíkinga í dag gerðu þeir Símún Samúelsen, Guðmundur Steinarsson (2) og Magnús Sverrir Þorsteinsson.
