Fylkir og Grindavík í Evrópukeppni

Grindavík og Fylkir leika fyrri leiki sína í forkeppni UEFA-bikarsins í dag, fimmtudaginn 14. ágúst, en bæði lið leika á útivelli. Bæði lið þreyttu frumraun sína í Evrópumótum félagsliða árið 2001. Upplýsingar um Evrópuleiki íslenskra félagsliða má sjá í valmyndinni hér til vinstri, undir Mótamál / Eldri úrslit.

Fylkismenn léku í UEFA-bikarnum 2001, og í sömu keppni 2002. Þeir hafa alls leikið 6 leiki, unnið einn, gert tvö jafntefli og tapað þremur. Árið 2001 slógu Fylkismenn út pólska liðið Pogon, en biðu síðan lægri hlut gegn Roda frá Hollandi. Árið eftir voru þeir síðan slegnir út af belgíska liðinu Excelsior Mouscron.

Grindvíkingar sigruðu í tveimur leikjum í Intertoto-keppninni árið 2001 og töpuðu tveimur. Þeir sigruðu Vilash frá Azerbaijan bæði heima og úti, en töpuðu síðan báðum viðureignunum gegn svissneska liðinu Basel.