Viðurkenningar í Landsbankadeild kvenna
Sérstök valnefnd skipuð í Landsbankadeild kvenna
Næsta mánudag lýkur 7. umferð Landsbankadeildar kvenna og fer afhending viðurkenninga fyrir umferðirnar fram í Iðnó í hádeginu miðvikudaginn 28. júní. Í Landsbankadeild kvenna eru tímabilin tvö: 1. - 7. umferð og 8. - 14. umferð - Síðan verður uppgjör fyrir árið.
Mynduð hefur verið sérstök valnefnd fyrir Landsbankadeild kvenna í ár, en nefndina skipa eftirtaldir:
Gary Wake, unglinganefnd kvenna
Guðrún Inga Sívertsen, landsliðsnefnd kvenna
Ingibjörg Hinriksdóttir, landsliðsnefnd kvenna
Jón Ólafur Daníelsson, þjálfari U17 landsliðs kvenna
Jörundur Áki Sveinsson, þjálfari A landsliðs kvenna
Kjartan Daníelsson, formaður landsliðsnefndar kvenna
Ólafur Þór Guðbjörnsson, þjálfari U19 landsliðs kvenna
Hver og einn aðili í valnefndinni skilar sínu atkvæði, en að auki hefur Landsbankinn einn atkvæðisrétt.
Veittar eru viðurkenningar fyrir:
- lið (11 leikmenn / uppstilling frjáls, bara skylda að hafa einn markmann, áður var skylda að stilla upp í 4-4-2)
- leikmann
- þjálfara
- Stuðningsmenn (nýtt! peningaverðlaun, sem renna til unglingastarfs viðkomandi félags)
Eftirfarandi atriði má leggja til grundvallar vali innan sérhvers tímabils:
- Lið: Bestu leikmenn á tímabilinu í sínum stöðum úr öllum félögum í deildinni
- Leikmaður: Besta frammistaða leikmanns á tímabilinu / skemmtanagildi / framfarir
- Þjálfari: Besti árangur liðs á tímabilinu / skemmtanagildi / framfarir
- Stuðningsmenn: Hávær, öflugur og samstilltur stuðningur, framfarir, vel merktir sínu félagi, söngvar og frumleiki, prúðmannleg og drengileg framkoma.
