Mótamál
FH mætir TVMK Tallinn frá Eistlandi
Legia Varsjá frá Póllandi bíður FH ef þeir komast í aðra umferð
Það verður TVMK Tallinn sem verður andstæðingur Íslandsmeistara FH í fyrstu umferð Meistaradeildar Evrópu. Einnig var dregið í aðra umferð og mun sigurvegari þessarar viðureignar mæta þar Legia Varsjá frá Póllandi.
Fyrri leikurinn fer fram í Tallinn í Eistlandi og fer hann fram 12 júlí. Seinni viðureignin fer svo fram vikunni á eftir, 19. júlí.
TVMK Tallinn vann sinn fyrsta titilinn í fyrsta sinn í sögu félagsins á síðasta ári og vann sér þar með þátttöku í Meistardeild Evrópu. Liðið rauf þá áralanga einokun Flora Tallinn á titlinum.
TVMK hefur ekki gengið eins vel á yfirstandandi tímabili sem byrjaði í mars. Liðið er sem stendur í þriðja sæti með 32 stig eftir 17 leiki. Fyrir ofan þá eru Levadia með 44 stig og Flora með 35 stig.
