Egill Már dæmir í Moskvu

14.8.2003

Egill Már Markússon, milliríkjadómari, dæmir í dag fyrri leik Torpedo Moskvu gegn SP Domagnano frá San Marino í forkeppni Evrópukeppni félagsliða. Aðstoðardómarar í leiknum eru nafnarnir Einar Guðmundsson og Einar Sigurðsson og Erlendur Eiríksson er varadómari.

Þess má geta að leikurinn fer fram á Luzhniki leikvanginum í Moskvu en á hann hefur nýlega verið lagt gervigras og mun þetta vera fyrsti leikurinn í Evrópukeppnum félagsliða sem fer fram á gervigrasi.