Mótamál
Fimm leikir á fimm leikdögum
Leikir 10. umferðar í Landsbankadeild karla, dreifast á fimm leikdaga
Sú óvenjulega staða kemur upp með leiki 10. umferðar Landsbankadeildar karla að leikirnir fimm dreifast á fimm leikdaga. Umferðin hefst með leik FH og KR fimmtudaginn 6. júlí og lýkur fimmtudaginn 13. júlí með leik Keflavíkur og ÍBV.
Ástæðan er væntanleg þátttaka þriggja félaga, FH, ÍA og Vals, í Evrópukeppnum á næstunni - auk þess sem Keflavík hefur verið á fullu í TÓTÓ-keppnninni. Einnig blandast inn í þetta leikir félaganna í VISA-bikarnum, sjónvarpsleikir á SÝN og að sjálfsögðu lokaleikirnir í HM.
Þetta er hins vegar gullið tækifæri fyrir áhorfendur að slá met - að sjá alla leiki heillar umferðar !!
