Mótamál
FH tekur á móti TVMK Tallinn í kvöld
Góður möguleiki á því að komast í aðra umferð
Íslandsmeistarar FH taka á móti eistnesku meisturunum í TVMK Tallinn í kvöld á Kaplakrikavelli. Leikurinn, er hefst kl. 19:15, er seinni leikur liðanna í fyrstu umferð Meistaradeildar Evrópu. FH-ingar unnu fyrri leikinn, 3-2.
Í fyrri leiknum er fór fram í Tallinn, komust Hafnfirðingar tveimur mörkum yfir en heimamenn jöfnuðu í seinni hálfleik. Það var svo í uppbótartíma að Atli Guðnason skoraði sigurmark Íslandsmeistarana.
Sigurvegarar þessarar viðureignar takast svo á við Legia Varsjá frá Póllandi í annarri umferð. Knattspyrnuáhugamenn eru hvattir til þess að mæta í Kaplakrika til þess að styðja Íslandsmeistarana í þessari baráttu.
