Leikið í UEFA-bikarnum á fimmtudag

Grindavík og Fylkir leika fyrri leiki sína í forkeppni UEFA-bikarsins fimmtudaginn 14. ágúst næstkomandi, en bæði lið leika á útivelli.

Grindavík mætir Helga Kolviðssyni og félögum í Kärnten, en leikurinn fer fram í Klagenfurt í Austurríki og hefst kl. 16:00 að íslenskum tíma. Fylkismenn leika gegn AIK Solna í Stokkhólmi og hefst sá leikur kl. 18:30 að íslenskum tíma.

Báðir leikirnir eru í beinni útsendingu á erlendum sjónvarpsstöðvum, sem má m.a. sjá á Ölveri í Glæsibæ og eflaust víðar. Leik Fylkis og AIK verður einnig lýst beint á Útvarpi Sögu.