Mótamál
Blikastúlkur leika í Evrópukeppni félagsliða
Leika fyrsta leik sinn þriðjudaginn 8. ágúst
Íslandsmeistarar kvenna, Breiðablik, halda um helgina til Austurríkis og taka þar þátt í Evrópukeppni félagsliða kvenna. Með þeim í riðli eru SV Neulengbach frá Austurríki, Newtownabbey frá Norður-Írlandi og SU 1° Dezembro frá Portúgal.
Á þriðjudaginn leika þær gegn portúgölsku meisturunum. Fimmtudaginn 10. ágúst er komið að heimastúlkum frá Austurríki og lokaleikur riðilsins er gegn Newtownabbey Strikers frá Norður-Írlandi.
Sigurvegari riðilsins kemst í aðra umferð en þar er einnig um riðla að ræða. Sú umferð fer fram dagana 12. - 17. september.
