Mótamál
Framarar komnir upp
Tryggðu sér sæti í Landsbankadeildinni eftir stutt stopp
Framarar tryggðu sér sæti í Landsbankadeild að ári með sigri á Þrótturum í gær. Framarar skoruðu eitt mark í leiknum og það dugði til enda hefur Framliðið aðeins fengið á sig 11 mörk í þeim 15 leikjum er þeir hafa leikið. Þeim dugir eitt stig úr síðustu þremur leikjunum til þess að tryggja sér sigurinn í deildinni.
Það er HK er stendur best að vígi um annað sætið en þeir hafa fjögurra stiga forystu á Fjölni og fimm stig á Þrótt. Öll liðin eiga eftir að leika 3 leiki. Aðeins eitt lið fellur úr fyrstu deildinni vegna fjölgunar á næsta tímabili. Þar er baráttan gríðarlega hörð og eru það Víkingur Ólafsvík, Þór Akureyri og Haukar, er heyja harða fallbaráttu. Önnur lið gætu hugsanlega einnig dregist í þá baráttu.
