Mótamál
Breiðablik mætir Arsenal ytra í dag
Seinni leikur liðanna í 8. liða úrslitum Evrópukeppni félagsliða
Breiðablik mætir í dag Englandsmeisturum Arsenal í seinni leik liðanna í 8. liða úrslitum Evrópukeppni félagsliða. Leikurinn, sem hefst kl. 18:30 að íslenskum tíma, er leikinn á Meadow Park sem er heimavöllur Boreham Wood FC.
Leikurinn er síðasti leikur Blikastúlkna á löngu og ströngu tímabili. Fyrri leiknum lauk með sigri Arsenal, 5-0 en eru Blikar staðráðnir í því að gera betur í seinni leiknum. Stelpurnar munu fá fínan stuðning af pöllunum því að um 40 manns gera sér ferð til London gagngert til þess að sjá leikinn.
