Námskeið í Futsal um helgina
Kennarar frá FIFA koma og kynna fræðin fyrir þjálfurum og dómurum
Um helgina mun KSÍ standa fyrir námskeiði í "Futsal" fyrir þjálfara og dómara. Á námskeiðinu munu tveir kennarar frá FIFA kenna fræðin, Patrick Willemarck mun halda námskeið fyrir dómara og Benny Meurs fyrir þjálfara. Takmarka þarf þátttöku á námskeiðin en hægt er að koma fjórum áhugasömum þjálfurum til viðbótar fyrir á þjálfaranámskeiðið. Áhugasamir geta sent póst á thorvaldur@ksi.is eða hringt í síma 510-2900.
Íslandsmótið í innanhússknattspyrnu verður leikið með óbreyttu sniði í ár en á næsta tímabili verður leikin Futsal-innanhúsknattspyrna. Ákveðið hefur verið efna til undirbúningsmóts 8 liða sem leikið verður í desember og janúar. Er mótið hugsað til kynningar fyrir leikmenn, dómara, starfsmenn og áhorfendur.
Futsal-innanhússknattspyrna nýtur stigvaxandi vinsælda í heiminum, keppt er í HM og EM landsliða líkt og í hinni hefðbundu knattspyrnu sem og Evrópukeppni félagsliða. Það er því aldrei að vita nema Ísland muni eignast sitt fyrsta landslið í Futsal innan fárra ára.
