Hampa Valsstúlkur titlinum á laugardag?

Valur mætir Breiðabliki að Hlíðarenda á laugardag í 13. umferð Landsbankadeildar kvenna. Með sigri í leiknum tryggja Valsstúlkur sér Íslandsmeistaratitilinn, en ef þær gera jafntefli eða tapa og ÍBV vinnur Fjölni í Grafarvogi á sama tíma er um hreinan úrslitaleik að ræða í lokaumferðinni þegar Valur sækir ÍBV heim á Hásteinsvöll. KR-stúlkur, núverandi Íslandsmeistarar, eru eina liðið sem hefur veitt Val og ÍBV einhverja keppni um efstu sætin. Toppsætið er þó úr sjónmáli fyrir handhafa titilsins að þessu sinni.