Mótamál
1. deild kvenna - ÍA og Keflavík í úrslitum
ÍA og Keflavík tryggðu sér á þriðjudag sæti í úrslitaleik 1. deildar kvenna, höfðu betur gegn mótherjum sínum í undanúrslitum í tveimur leikjum. ÍA hafði yfirburði í leikjum sínum gegn Sindra og vann 15-0 samanlagt, en viðureignir Keflavíkur og Þróttar R. voru mun jafnari. Keflvíkingar unnu fyrri leikinn, sem fram fór á Valbjarnarvelli, 4-3, en liðin gerðu síðan 2-2 jafntefli í síðari leiknum í Keflavík. Úrslitaleikur 1. deildar kvenna fer fram laugardaginn 28. ágúst.
