Breiðablik og Valur mætast hjá konunum
Dregið í VISA-bikarkeppni karla og kvenna í dag
Í dag var dregið í VISA-bikarkeppni karla og kvenna og fór drátturinn fram í höfuðstöðvum KSÍ. Dregið var í 4. umferð hjá körlunum en í 8-liða úrslit hjá konunum. Liðin sem léku til úrslita hjá konunum í fyrra mætast í 8-liða úrslitum.
Hjá konunum ber hæst leik Breiðabliks og Vals en þessi lið mættust í eftirminnilegum bikarúrslitaleik á síðasta ári. Valsstúlkur höfðu þá betur eftir framlengdan leik og vítaspyrnukeppni.
Hjá körlunum voru 12 félög í pottinum og var drátturinn svæðaskiptur. Sigurvegarar leikjanna komast svo í 16. liða úrslit en þá mæta liðin í Landsbankadeild karla til leiks.
8-liða úrslit kvenna
Breiðablik - Valur
Stjarnan - Fjölnir
Afturelding - Keflavík
Þór/KA - KR
Leikirnir hjá konunum fara allir fram fimmtudaginn 12. júlí.
4. umferð karla
Fjarðabyggð - Leiknir F.
Dalvík/Reynir - Þór Ak.
Stjarnan - Fjölnir
Haukar - Leiknir
Þróttur R. - Grindavík
ÍBV - Reynir S.
Leikirnir hjá körlunum verða allir leiknir 26. júní nema leikur ÍBV og Reynis S. sem fer fram daginn áður, 25. júní.
