Fótboltasumarið 2007 er komið út
212 blaðsíður stútfullar af upplýsingum um íslenska boltann
Fótboltasumarið 2007 er sérlega glæsilegt í ár, 212 síður og stútfullt af upplýsingum og fróðleik um íslenska fótboltann og ríkulega myndskreytt. Mjög vönduð umfjöllun er um liðin í Landsbankadeild karla og kvenna og liðin í 1. og 2.deild karla.
Einnig er í blaðinu góð samantekt um dómgæslu og dómarana sem dæma í efstu deildunum, umfjöllun um þjálfara og þjálfaramenntun, grein um hlutverk fyrirliðans, umfjöllun um þátttöku foreldra í starfi yngri flokka, upplýsingar um Fótboltaklúbb MasterCard, VISA bikarinn frá upphafi, Íslandsmótin frá upphafi, þátttöku íslenskra liða í Evrópukeppnum og erlend stórlið sem leikið hafa á Íslandi.
Rifjuð eru upp áhugaverð atvik í íslenska boltanum fyrir 10, 15 og 20 árum. Kynning á kynningarátaki Margrétar Láru og landsliðunum okkar. Einnig er vönduð samantekt um íslensku mörkin, leikjahæstu leikmenn Íslandsmótanna, markakónga og drottningar frá upphafi og bestu og efnilegustu leikmenn Íslandsmótsins. Frammistöðu markvarðanna síðasta sumar, áhorfendafjölda á leikjum með 10 ára samanburði og margt margt fleira áhugavert.
Í Fótboltasumrinu eru einnig pistlar eftir, Geir Þorsteinsson, Ingibjörgu Hinriksdóttur, Guðrúnu Ingu Sívertsen, Hönnu Dóru Markúsdóttir, Sigurð Ragnar Eyjólfsson, Vöndu Sigurgeirsdóttur, Irisi Björk Eysteinsdóttur, Bryndísi Valsdóttur, Ólaf Garðarsson, Halldór (HENSON) Einarsson, Magnús Már Einarsson, Ómar Smárason, Guðlaug Tómasson og Róbert Jóhannsson.
Eins og fyrri ár er Fótboltasumarið gefið út í 25000 eintökum, því er dreift frítt hjá öllum þeim félögum sem eiga lið í Landsbankadeildum karla og kvenna og 1. og 2. deild karla.
Einnig hjá BYR Sparisjóði, Sportlandi, Jóa útherja og í Kringlunni og Smáralind í dag og á morgun.
