Helgi, Ólafur og Garðar valdir bestir

Viðurkenningar fyrir umferðir 1-6 í Landsbankadeild karla afhentar í hádeginu í dag

18.6.2007

Viðurkenningar fyrir umferðir 1-6 í Landsbankadeild karla voru afhentar í hádeginu í dag, mánudag, í höfuðstöðvum KSÍ í Laugardal.  Valið er í samstarfi við fjölmiðla og aðra lið umferðanna (11 leikmenn), besti leikmaður, besti þjálfari og besti dómari.  Þá eru einnig veitt verðlaun fyrir stuðningsmenn umferðanna.

Valnefnd fyrir Landsbankadeild karla 2007 skipa eftirtaldir:  Blaðið, DV, Fótbolti.net, Gras.is, Íslenskar getraunir, Mín skoðun, Morgunblaðið, RÚV, Sport.is, Sýn og Landsbankinn.

Lið umferða 1-6:

Markvörður:

• Bjarni Þórður Halldórsson – Víkingur

Varnarmenn:

• Atli Sveinn Þórarinsson – Valur
• Barry Smith – Valur
• Freyr Bjarnason – FH
• Sverrir Garðarsson – FH

Tengiliðir:

• Baldur Sigurðsson – Keflavík
• Matthías Guðmundsson – FH
• Simun Eiler Samuelsen – Keflavík

Framherjar:

• Helgi Sigurðsson – Valur
• Magnús Páll Gunnarsson – Breiðablik
• Tryggvi Guðmundsson – FH

Leikmaður umferða 1-6:

Helgi Sigurðsson – Valur

Þjálfari umferða 1-6:

Ólafur Jóhannesson – FH

Dómari umferða 1-6:

Garðar Örn Hinriksson

Stuðningsmannaverðlaun umferða 1-6:

Stuðningsmenn Keflavíkur

Punktar um umferðir 1-6

• 5 félög í deildinni eiga fulltrúa í liði umferða 1-6:  Breiðablik, FH, Keflavík, Valur og Víkingur.
• Matthías Guðmundsson og Helgi Sigurðsson fengu atkvæði í lið umferðanna frá öllum í valnefndinni, fullt hús.
• Alls fengu leikmenn frá 9 félögum atkvæði.  Enginn leikmaður Fram fékk atkvæði.
• Alls fengu 9 leikmenn FH atkvæði, 6 leikmenn Vals, og 5 leikmenn Keflavíkur.
• Stuðningsmenn Keflvíkinga, Puma-sveitin, haf staðið þétt við bakið á sínu liði í fyrstu umferðunum og eru vel að stuðningsmannaverðlaununum komnir.  Keflvíkingar hafa sýnt stuðning sinn í verki, komið prúðmannlega og drengilega fram og verið félagi sínu til mikils sóma.