Mótamál
Hlutgengi markvarða milli liða í sama aldursflokki.
Engar breytingar hafa átt sér stað frá síðasta ári varðandi hlutgengi markvarða í sama aldursflokki
Af gefnu tilefni skal tekið fram að engar breytingar hafa átt sér stað frá síðasta ári hvað varðar hlutgengi markvarða milli liða í sama aldursflokki.
Á síðasta ársþingi KSÍ var samþykkt áskorun til stjórnar KSÍ um að heimila markvörðum í yngri aldursflokkum að leika sem útileikmenn í öðrum liðum sama félags í sama aldursflokki.
Ekki hefur náðst að semja nægilega skýrar reglur sem hægt er að fara eftir, því hefur hlutgengisreglunum ekki verið breytt.
Vinsamlegast komið þessum skilaboðum til hlutaðeigandi aðila því vart hefur orðið við misskilning um þessar hlutgengisreglur við upphaf Íslandsmóts.
