Mótamál
Eyjólfur Magnús dæmir í Noregi
Dæmir leik Skeid og Sparta í næst efstu deild í Noregi
Eyjólfur Magnús Kristinsson dæmir á sunnudaginn leik Skeid og Sparta Sarpsborg í næst efstu deild í Noregi. Leikurinn er leikinn á hinum gamalkunna Bislett leikvangi í Osló.
Verkefnið er hluti af norrænum dómaraskiptum knattspyrnusambanda á Norðurlöndum. Nokkrir erlendir dómarar hafa komið hingað til lands á síðustu árum og dæmt í 1. deild, og íslenskir dómarar hafa dæmt leiki í næst efstu deildum í Skandinavíu.
