Mótamál
Dregið í 16 liða úrslitum VISA-bikars karla á fimmtudag
Liðin úr Landsbankadeild karla koma inn í keppnina
Á morgun, fimmtudaginn 28. júní, verður dregið í 16 liða úrslit VISA-bikars karla. Drátturinn fer fram í höfuðstöðvum KSÍ og hefst kl. 12:00. Liðin úr Landsbankadeildinni verða í pottinum ásamt þeim sex félögum er komust áfram úr 4. umferð.
Fjórðu umferðinni lauk í gær með fimm leikjum en áður hafði ÍBV tryggt sér sæti í 16. liða úrslitum. Félögin sem tryggðu sig áfram í gær voru: Þróttur, Fjarðabyggð, Þór Akureyri, Fjölnir og 2. deildarlið Hauka.
Ef eitthvað ef þeim sex liðum er komust upp úr undankeppninni, dragast gegn liði úr Landsbankadeildinni, fá þau heimaleikjaréttinn.
