Dregið á föstudag í Evrópukeppnunum
FH fulltrúi Íslands í Meistaradeild Evrópu en KR og Keflavík í UEFA keppninni
Á föstudaginn verður dregið í forkeppni Meistaradeildar Evrópu og UEFA bikarnum. Fulltrúar Íslands í Meistaradeildinni eru Íslandsmeistarar FH en KR og Keflavík eru fulltrúar Íslands í UEFA bikarnum.
Í Meistaradeildinni verður dregið í fyrstu tvær umferðir forkeppninnar og eru leikdagar 17/18 júlí og 24/25 júlí í fyrstu umferðinni. Úrslitaleikur Meistaradeildarinnar fer svo fram í Moskvu 21. maí. Drátturinn hefst kl. 10:00 að íslenskum tíma og verður hægt að fylgjast með honum á www.uefa.com.
Í UEFA keppninni eru leikdagar fyrstu umferðar 19. júlí og 2. ágúst. Úrslitaleikurinn sjálfur fer svo fram í Manchester 14. maí. Drátturinn í UEFA bikarnum hefst kl. 11:30 að íslenskum tíma og verður einnig hægt að fylgjast með honum á heimasíðu UEFA, www.uefa.com.
