Mótamál
Fyrsta konan á vegum KSÍ í nefnd UEFA
Guðrún Inga Sívertsen í nefnd um kvennaknattspyrnu
Á dögunum skipaði Knattspyrnusamband Evrópu (UEFA) í nefndir sínar og eru nokkrir einstaklingar frá KSÍ þar á meðal. Fyrsta konan á vegum KSÍ hefur verið skipuð í nefnd hjá UEFA en Guðrún Inga Sívertsen, gjaldkeri KSÍ, er í nefnd um kvennaknattspyrnu.
Fulltrúar sem eru í nefndum UEFA á vegum KSÍ eru: Geir Þorsteinsson, formaður KSÍ, sem er einn varaformanna í Leikvanga- og öryggisnefnd, Lúðvík Georgsson er í Leyfisnefnd, Guðrún Inga Sívertsen, gjaldkeri KSÍ, er í nefnd um kvennaknattspyrnu og loks er Þórir Hákonarson, framkvæmdastjóri KSÍ, í fjölmiðlanefnd.
KSÍ hefur kappkostað að vera virkt í innra starfi hjá UEFA og er þessi nefndarskipan viðurkenning á því starfi.
