Tillögur um dómaramál samþykktar

Stjórn KSÍ samþykkti tillögur um dómaramál á fundi sínum þann 28. júní

30.6.2007

Á fundi sínum þann 28. júní s.l. samþykkti stjórn KSÍ tillögur starfshóps um dómaramál sem skipaður var fyrr í vor.  Starfshópnum var ætlað að koma með tillögur og hugmyndir að átaki sem miðaði að því að fjölga dómurum, sérstaklega kvendómurum, og auka áhuga á dómarastarfinu. 

Stjórn KSÍ samþykkti fjögur áhersluatriði úr þeim hugmyndum sem starfshópurinn skilaði:

• Félög sem tilkynna þátttöku í Íslandsmóti skulu tilnefna dómarastjóra í þátttökutilkynningu og sé honum ætlað að bera ábyrgð á dómaramálum, manna dómara á leiki o.fl. innan hvers félags.
• Birt er samræmd viðmiðunarskrá vegna útlagðs kostnaðar dómara á þeim leikjum sem aðildarfélög bera ábyrgð á að manna dómara.  Viðmiðunarskráin er eftirfarandi:

3. flokkur og yngri:

Dómari í 7 manna bolta kr. 1.000

Dómari í 11 manna bolta kr. 2.000

Aðst.dómari í 11 manna bolta kr. 1.500

2. flokkur og eldri:

Dómari í 7 manna bolta kr. 1.500

Dómari í 11 manna bolta kr. 2.500

Aðst.dómar í 11 manna bolta kr. 2.000

• Staðið verður að sérstöku átaki til þess að fjölga kvendómurum í samráði við aðildarfélög.
• Staðið verður að átaki um bætta ímynd dómara með auglýsingum og aukinni fræðslu.

KSÍ vonast eftir góðu samstarfi við félögin við að koma ofangreindum tillögum í framkvæmd.