Viðurkenningar í Landsbankadeild kvenna
Veittar viðurkenningar fyrir sex fyrstu umferðirnar á mánudaginn
Mánudaginn 2. júlí verða veittar viðurkenningar fyrir fyrstu sex umferðirnar í Landsbankadeild kvenna. Viðurkenningarnar verða veittar í höfuðstöðvum KSÍ kl. 12:00.
Líkt og undanfarin ár verða veittar viðurkenningar fyrir ákveðnar umferðir í Landsbankadeild kvenna. Tímabilin eru nú þrjú eftir að liðunum í deildinni var fjölgað: 1. - 6. umferð, 7. – 12. umferð og 13. - 18. umferð.
Mynduð hefur verið sérstök valnefnd fyrir deildina í ár, en nefndina skipa eftirtaldir:
- Björn Guðbjörnsson, landsliðsnefnd kvenna
- Gary Wake, unglinganefnd kvenna
- Guðrún Inga Sívertsen, landsliðsnefnd kvenna
- Ingibjörg Hinriksdóttir, unglinganefnd kvenna
- Íris Björk Eysteinsdóttir, unglinganefnd kvenna
- Kjartan Daníelsson, landsliðsnefnd kvenna
- Ragnhildur Skúladóttir, landsliðsnefnd kvenna
Hver og einn aðili í valnefndinni skilar sínu atkvæði, en að auki hefur Landsbankinn einn atkvæðisrétt. Valið er:
- Lið umferðanna (11 leikmenn), besti leikmaður og besti þjálfari.
Þá verðlaunar Landsbankinn stuðningsmenn liðanna fyrir uppbyggingu stuðningshópa og frammistöðu í stuðningi við sitt lið. Peningaverðlaun renna til yngri flokka starfs félaganna. Í valinu verður m.a. horft til eftirfarandi þátta:
- Hávær, öflugur og samstilltur stuðningur.
- Hvaða hópur hefur tekið mestum framförum milli ára eða mótshluta.
- Að stuðningsmenn séu vel merktir sínu félagi.
- Söngvar og frumleiki.
- Prúðmannleg framkoma stuðningsmanna.
