Mótamál
FH áfram í Meistaradeild UEFA
Leika gegn Bate frá Hvíta Rússlandi í næstu umferð
Íslandsmeistarar FH tryggðu sér sæti í annarri umferð forkeppni Meistardeildar Evrópu þegar þeir gerðu jafntefli við HB í Færeyjum. Lokatölur urður 0-0 en FH vann fyrri leikinn 4-1.
FH fá það verkefni í annarri umferð að leika gegn Bate frá Hvíta Rússlandi. Bate lagði Apoel frá Kýpur í fyrstu umferðinni, 3-2 samanlagt. Hvít Rússarnir unnu seinni leikinn á heimavelli, 3-0 og tryggðu sér þar með sæti í annarri umferð.
Fyrri leikur FH og Bate fer fram á Kaplakrikavelli, miðvikudaginn 1. ágúst en seinni leikurinn viku síðar í Hvíta Rússlandi
