Mótamál
Undanúrslitin klár í VISA bikar karla
FH leikur gegn Breiðablik og Fylkir mætir Fjölnismönnum
Í dag var dregið til undanúrslita í VISA bikar karla og fór drátturinn fram í höfuðstöðvum KSÍ. FH og Breiðablik drógust saman og þá mætast nágrannarnir Fylkir og Fjölnir.
Leikirnir fara fram á Laugardalsvellinum og sýnir RÚV báða leikina í beinni útsendingu. Leikur FH og Breiðabliks fer fram sunnudaginn 2. september og Fylkir og Fjölnir eigast við mánudaginn 3. september.
Leikið verður í undanúrslitum VISA bikars kvenna þriðjudaginn 21. ágúst. Mætast þá annars vegar Keflavík og Fjölnir á Keflavíkurvelli og hinsvegar Breiðablik og KR á Kópavogsvelli. Báðir þeir leikir hefjast kl. 18:00.
