FH og ÍA í eldlínunni í UEFA-bikarnum

FH og ÍA leika fyrri leiki sína í 2. umferð forkeppni UEFA-bikarsins í kvöld. Í Laugardalnum mæta FH-ingar skoska liðinu Dunfermline, sem hafnaði í 4. sæti úrvalsdeildarinnar þar í landi á síðasta keppnistímabili. Skagamenn leika gegn Pétri Marteinssyni og félögum í Hammarby á Söderstadion í Stokkhólmi og hefst leikurinn kl. 18:45 að íslenskum tíma. Leikur FH og Dunfermline hefst kl. 20:00 og er í beinni útsendingu á Sýn.