50 ár liðin frá fyrsta deildarleik á Laugardalsvelli.
ÍA sigraði Fram í fyrsta leiknum á Laugardalsvelli
Fyrsti deildarleikur á Laugardalsvelli fór fram 25. ágúst 1957 en þá léku ÍA og Fram.
Leikurinn var síðasti leikurinn í Íslandsmótinu og réð úrslitum um Íslandsmeistaratitilinn en ÍA vann leikinn og varð Íslandsmeistari. Mörk ÍA í 2-1 sigri gerði Þórður Þórðarson og mark Fram gerði Dagbjartur Grímsson. Áhorfendur voru 4.761 og má þess geta að á leikina 15 í deildinni mættu rúmlega 25.700 manns eða 1716 að meðaltali. Má þess jafnframt geta að KR og Akureyri léku þá aukaleik um fall og hafði KR betur með marki Ellerts B. Schram.
Laugardalsvöllur var formlega vígður 1959. Fyrsti landsleikur á Laugardalsvelli fór fram 8. júlí sama ár þegar Ísland tapaði gegn Noregi 0-3 í þriggja landa móti Íslands, Noregs og Danmerkur.
Seinna þetta haust lék Ísland sinn fyrsta leik á heimavelli í HM og var þá leikið gegn Frakklandi.
