Mótamál
Áhorfendametið í Landsbankadeild karla slegið
Ljóst að takmarkið um 100.000 áhorfendur næst í 16. umferð
Í gær lauk 15. umferð Landsbankadeildar karla með leik Víkings og Vals. Á þann leik mættu 1018 áhorfendur og er því ljóst að áhorfendametið er sett var á síðasta ári, er fallið. Alls hafa 98.412 áhorfendur mætt á leikina 75 til þessa.
Fyrra áhorfendmetið var sett á síðata tímabili þegar að 98.026 áhorfendur mættu á leikina í Landsbankadeild karla. Voru það 1.076 áhorfendur að meðaltali á leik en áhorfendur á þessu tímabili hafa verið að meðaltali 1.312 á hvern leik í Landsbankadeild karla.
Ljóst er að það takmark að fá 100.000 áhorfendur á leiki í Landsbankadeild karla, næst í 16. umferðinni en hún verður hefst sunnudaginn 16. september.
